5 შემთხვევა, როდესაც სექსი არ ღირს

18.02.2019 სექსის შესახებ 211 0 0.0

Загрузка...

ექსპერტებმა დაადგინეს 5 მიზეზი, რომელთა მიხედვითაც ქალებმა უმჯობესია, სექსზე უარი თქვან.

სპეციალისტები გვირჩევენ, იმ შემთხვევაშიც კი, თუკი ფიქრობთ, რომ არცთუ ისე სერიოზული გინეკოლოგიური დაავადებები გაწუხებთ, ყოველთვის მკურნალ ექიმთან დააზუსტეთ, უნდა შეიკავოთ თუ არა თავი სექსისგან და რა პერიოდით. ჩვეულებრივ, ყველაფერი დაავადების ტიპზეა დამოკიდებული, მაგრამ უმეტეს შემთხვევაში მცირე შესვენება თქვენს ორგანიზმს სასარგებლოდ წაადგება. ნებისმიერმა გეგმიდან გადახვევამ, შესაძლოა, გაართულოს თქვენი გამოჯანმრთელება, განსაკუთრებით, თუკი ქვემოთ ჩამოთვლილი სიტუაციებიდან რომელიმე გაწუხებთ.

1. მენჯის არეში ოპერაციის შემდეგ

თუკი მენჯის არეში ნებისმიერი ოპერაციის გადატანა მოგიწიათ, მაგალითად, საკეისრო კვეთა ან ჰისტერექტომია (საშვილოსნოს ამოკვეთა), სასურველია, სექსისგან თავი შეიკავოთ, სანამ ექიმი არ დარწმუნდება, რომ ყველა ჭრილობა შეგიხორცდათ. მოკლე, მარტივი და ფრთხილი სექსუალური აქტიც კი შეხორცების პროცესს გაართულებს და ნაკერებს დააზიანებს.

2. თუკი შარდსასქესო სისტემის ინფექცია გაწუხებთ

სექსუალური აქტის დროს, შესაძლოა, ბაქტერიები შარდსასქესო არხში მოხვდეს, რაც ყველაზე ხშირად იწვევს დაავადებებს. თუკი მსგავსი სიტუაცია რამდენჯერმე გაგიმეორდათ, აუცილებლად უნდა მიმართოთ ექიმს. გინეკოლოგის მიერ დანიშნული სამკურნალო კურსის დასრულებამდე სექსით სიამოვნება არ ღირს, იმ შემთხვევაშიც, თუკი მოგეჩვენათ, რომ ტკივილის შეგრძნება შეგიმსუბუქდათ ან საერთოდაც, გაგიქრათ.

3. ვაგინის მჟავიანობის დარღვევა ან ბაქტერიული ვაგინოზი

ეს დაავადება მშობიარე 10 ქალიდან 8-ს აწუხებს, თუმცა, მისი მკურნალობა ძალიან მარტივია. ბაქტერიულ ვაგინოზს ბაქტერიების დისბალანსი იწვევს, მაგალითად: ანტიბიოტიკების მიღება, უხარისხო საცვლები ან წყალი. საშოს მიკროფლორისა და მჟავიანობის აღსადგენად საჭიროა სანთლის ფორმის ვაგინალური პრეპარატები ან გელები. ამ შემთხვევაში სექსუალური აქტი კატეგორიულად იკრძალება.

4. საფუარი ინფექციის აღმოჩენის დროს

საფუარი სოკოს დადგენა სპეციალისტთან ვიზიტის გარეშეც შესაძლებელია და ამ დაავადებას შესანიშნავად ებრძვის ვაგინალური საშუალებები, რომელთა მოხმარება 3-5 დღის მანძილზეც საკმარისია. თუმცა, სპეციალისტები ამტკიცებენ, რომ სოკოს საწინააღმდეგო თერაპიამ, შესაძლოა, საშოს ქსოვილი დააზიანოს, ამიტომ აუცილებელია რამდენიმედღიანი შესვენება ვაგინის აღსადგენად. ამ დროს აკრძალულია არა მხოლოდ ვაგინალური, არამედ ორალური სექსიც, რადგან სოკოვანი ინფექციები ნერწყვითაც ადვილად გადადის. გარდა ამისა, ამ სახეობის ბაქტერია მარტივად ვრცელდება სექსსათამაშოებითაც, ამიტომ არ დაგავიწყდეთ, საგულდაგულოდ გარეცხოთ ისინი მოხმარების შემდეგ.

5. სქესობრივი გზით გადამდები დაავადებები

სექსუალური კავშირი იკრძალება იმ შემთხვევაშიც, თუკი თქვენ და თქვენს პარტნიორს ერთი და იმავე ტიპის სქესობრივი გზით გადამდები დაავადებები დაგიდგინდათ. წინააღმდეგ შემთხვევაში ვირუსებს ერთმანეთს გადასდებთ, ხოლო გართულებული და ხანგრძლივი მკურნალობა თქვენს ჰორმონალურ და რეპროდუქციულ ფუნქციებს დააზიანებს. ეს, ასევე, ეხება ჩვეულებრივ „ტუჩების გაციებას“, რომელსაც ჰერპესს უწოდებენ და რომელიც, რა თქმა უნდა, პირდაპირ კავშირში არ არის სექსუალურ სისტემასთან, თუმცა, მსგავსი წინაპირობები აქვს.

ავტორი: სალომე ჩაჩიბაია

წყარო

როდესაც, არ ღირს, სექსი, 5 შემთხვევა

ვარსკვლავების ინტერნეტით გავრცელებული სქესობრივი აქტის ვიდეოები
13.10.2019
სტალინი, ჰიტლერი და ფროიდი...
13.10.2019
ძილის რეკომენდირებული პოზები
13.10.2019
სპორტი იმედზე - 13 ოქტომბერი, 2019 წელი
13.10.2019
ცხელი ბუტერბროდი უპუროდ
12.10.2019
ცნობილები „ღია“ ჩაცმულობით
12.10.2019

სულ კომენტარი: 0
avatar