როგორ მოვიშოროთ ცხიმიანი ბზინვარება კანიდან

12.01.2019 საკითხავი 16 0 0.0

Загрузка...

სახის კანიდან ცხიმიანი ბზინვარების მოსაშორებლად საჭიროა, პირველ რიგში მისი წარმოქმნის მიზეზი დავადგინოთ. დერმატოლოგები ამ პრობლემის ოთხ ძირითად მიზეზს ასახელებენ:

სახეზე ცხიმიანი ბზინვარების მიზეზი მოზარდებში, შესაძლოა, სქესობრივი მომწიფების პერიოდში ჰორმონალური ფონი იყოს. ქალებში: პრემენსტრუალური პერიოდი, მენოპაუზა და ორსულობა.

კანის მდგომარეობაზე ასევე, გავლენას ახდენს გენეტიკა. თუკი თქვენს მშობლებს მსგავსი პრობლემა აწუხებდათ, შესაძლოა, ცხიმიანი ბზინვარების ძირითადი მიზეზი ესეც იყოს.

ხშირად, კანის მდგომარეობაზე (და ზოგადად, ორგანიზმზე) ნეგატიურად მოქმედებს სტრესი. ამიტომ, შეეცადეთ, შეინარჩუნოთ სიმშვიდე.

წამლები და ორალური ჩასახვის საწინააღმდეგო აბები ჰორმონალური ფონის ცვლილებას იწვევს, რაც, ასევე, აუარესებს სახის კანის მდგომარეობას.

არასწორი კვება და ალკოჰოლი სახის კანისთვის სასტიკად მავნებელია. შეეცადეთ, ნაკლები რაოდენობით მიიღოთ შაქარი და ტრანსცხიმები. თუკი სახის კანის ბზინვარება სერიოზულად გაწუხებთ, იდეალური ვარიანტია დიეტა. მიირთვით ხილი, ბოსტნეული, თევზეული და დიეტური ხორცი.

როგორ მოვიშოროთ ცხიმიანი ბზინვარება სახის კანიდან?

ცხიმიანი კანი მოსვენებას არ გაძლევთ? მაშინ ისარგებლეთ სპეციალისტების რჩევებით: დაიბანეთ სახე დღეში ორჯერ. პირის ხშირი დაბანა კიდევ უფრო დიდი რაოდენობის ცხიმების გამოყოფას იწვევს. ცხელ დღეებში შეგიძლიათ, სახე უფრო ხშირად დაიბანოთ, მაგრამ ყოველგვარი კოსმეტიკუი საშუალებების გარეშე. მხოლოდ თბილი წყლით.

არ ისარგებლოთ კანისთვის განკუთვნილი ანტიბაქტერიული საშუალებებით. გამოკვლევების შედეგად დადგინდა, რომ მსგავსი რეკლამირებული პროდუქტები მხოლოდ აუარესებს სიტუაციას, რადგან მავნე ბაქტერიებთან ერთად სასარგებლო ბაქტერიებიც ნადგურდებიან.

მოერიდეთ დამატენიანებელ მაკიაჟს. აირჩიეთ მხოლოდ წყალზე მომზადებული ან სპეციალურად ცხიმიანი კანისთვის განკუთვნილი კოსმეტიკური საშუალებები.

მარტივი ნიღბები ცხიმიანი კანისთვის

კვერცხის გული

სახის კანიდან ცხიმიანი ბზინვარების მოსაშორებლად უამრავი საშუალება არსებობს. გთავაზობთ კვერცხის გულისგან მოსამზადებელ ყველაზე მარტივად ნიღაბს: შეიზილეთ კვერცხის გული სახის კანზე ბამბის ტამპონით, გაიჩერეთ 15 წუთი და შემდეგ ჩამოიბანეთ თბილი წყლით.

ნუში და თაფლი

ნუშის ფხვნილს გადაურიეთ ცოტაოდენი თაფლი, ისე, რომ ერთგვაროვანი მასა მიიღოთ. შეიზილეთ ნიღაბი სახის სპეციალური ღრუბლით, შემდეგ კი თბილი წყლით ჩამოიბანეთ. ნუშისა და თაფლის ნიღაბს სკრაბის ეფექტი აქვს და ნაზად ხეხავს სახის კანს.

ვაშლი

ნახევარ ჭიქა ვაშლის პიურეს დაამატეთ ნახევარი ჭიქა შვრია. დაამატეთ კვერცხის წილა და კარგად გადაურიეთ ერთმანეთში. შეიზილეთ სახეზე, გაიჩერეთ 15 წუთი და შემდეგ ჩამოიბანეთ გრილი წყლით.

ავტორი: სალომე ჩაჩიბაია

წყარო

ბზინვარება, კანი, ცხიმიანი

როგორ მოვიქცეთ გაზის გაჟონვის ან CO-ს დაგროვების შემთხვევაში - რეკომენდაციები
19.01.2019
,,გამორჩეული სანახაობა იქნება'' - სტეფანე ,,საქართველოს ვარსკვლავის" შესახებ
19.01.2019
SAMSUNG-მა MicroLED ტელევიზორი წარადგინა
19.01.2019
SAMSUNG სმარტფონებში M სერიას ამატებს
19.01.2019
თბილისის მერია ვაკის პარკში სასტუმროს აშენებას დაუშვებლად მიიჩნევს
19.01.2019
10 ყველაზე სტრესული სამსახური (ვიდეო)
19.01.2019

სულ კომენტარი: 0
avatar


Загрузка...