ვარსკვლავები, რომლებიც დიდი ხანია, აღარავის ხვდებიან - მარტოობა განაჩენი არ არის

24.07.2019 ვარსკვლავები 29 0 0.0

Загрузка...

ამ ქალბატონებს უამრავი თაყვანისმცემელი ჰყავთ, მაგრამ მათი გულები მაინც თავისუფალია. ამის მიზეზი კი ვისთვის კარიერაა და ვისთვის - უიღბლო ურთიერთობით გამოწვეული გულგატეხილობა.

კაილი მინოუგი

ავსტრალიელი მომღერლის პირველი სიყვარული მუსიკოსი მაიკლ ჰოტჩენსი იყო. ისინი დაშორდნენ, 5 წლის შემდეგ კი მაიკლმა სიცოცხლე თვითმკვლელობით დაასრულა. ეს კაილისთვის დიდი დარტყმა აღმოჩნდა და მან კარგა ხნით უარი თქვა სერიოზულ ურთიერთობაზე.

მოგვიანებით ვარსკვლავს მაინც ჰქონდა რამდენიმე რომანი, მაგრამ ისინი ყოველ ჯერზე ძალიან ხანმოკლე აღმოჩნდა. განშორების მიზეზი კი ძირითადად ან ბოიფრენდის ღალატი იყო, ან ვარსკვლავის გადატვირთული გრაფიკი. საყვარელ ადამიანთან დაშორება კაილის ყოველთვის ძალიან მძიმე სულიერ მდგომარეობაში აგდებს, ამიტომაც ის მარტოობას ამჯობინებს. ერთადერთი, რასაც მომღერალი ნანობს, ისაა, რომ შვილები არ ჰყავს. ახლა ის სერიოზულად ფიქრობს, ბავშვთა სახლიდან აიყვანოს ბავშვი.

პატრიცია კაასი

ფრანგი მომღერლის რომანებს ოდესღაც მთელი მსოფლიოს მედია განიხილავდა. მას მიაწერდნენ ურთიერთობას ჟერარ დეპარდიესთან, რუს მსახიობთან ანდეი სოკოლოვთან და თვით ალენ დელონთანაც კი. მაგრამ საბოლოოდ არცერთი მათგანი არ აღმოჩნდა მისი ბედის.

2000 წლების დასაწყისში კაასი სკანდალურად დაშორდა კომპოზიტორ ფილიპ ბერგმანს. მოგვიანებით მან ურთიერთობა გააბა რუმინელ მილიონერთან, მაგრამ ის ცოლიანი აღმოჩნდა.

„მამაკაცებმა იმედი გამიცრუეს. ისინი მერკანტილურები და პროგნოზირებადები არიან“, - დაწერა ავტობიოგრაფიულ წიგნში მომღერალმა. ყველაზე მეტად პატრიცია იმას ნანობს, რომ შვილები არ ჰყავს. უშვილობის მიზეზი კი ახალგაზრდობაში გაკეთებული უამრავი აბორტია. დღეს კაასის ყველაზე ახლო არსება მალტური ბალონკაა, სახელად ტეკილა.

შარლიზ ტერონი

შარლიზ ტერონის პირად ცხოვრებაში მუდმივად ხდებოდა რაღაც საინტერესო. მსახიობი, რომელსაც მთელი მსოფლიოს მამაკაცები აღმერთებენ, იშვითად დარჩენილა მარტო. 1990-იან წლებში ტერონი 2 წლის განმავლობაში ხვდებოდა მსახიობ კრეიგ ბირკოს.

1997-დან 2001 წლამდე ვარსკვლავი ახლო ურთიერთობაში იყო მუსიკოს სტივენ ჯენკინსთან. სტიუარტ ტაუნსენდს ტერონი 2002 წლის დასაწყისიდან ხვდებოდა. ეს წყვილი ჰოლივუდში დიდხანს მიიჩნეოდა ყველაზე ლამაზ და განუყრელ წყვილად, თუმცა 2010 წელს შეყვარებულები სრულიად მოულოდნელად დაშორდნენ. რამდენიმე წლის შემდეგ კი შერონმა მგზნებარე რომანი გააჩაღა შონ პენთან, მაგრამ არც ამ ურთიერთობამ არ გაუმართლა.

დღეს მსახიობი ორ აყვანილ შვილთან ერთად ცხოვრობს. 2012 წელს მან ბიჭი - ჯექსონი იშვილა, 2015 წლის ივლისში კი ოჯახს პატარა ავგუსტა შეემატა. შარლიზმა აღიარა, რომ შვილები მისთვის ყოველთვის პირველ ადგილზე იქნებიან.

სოფია როტარუ

ისე გამოვიდა, რომ სოფია როტარუს ცხოვრებაში მხოლოდ ერთი მამაკაცი იყო - ანატოლი ევდოკიმენკო. და ის დღემდე მისი ერთგულია. სოფია ის-ის იყო, კარიერას იწყებდა, როცა ანატოლიმ ჟურნალ „უკრაინაში“ მისი ფოტო ნახა და ანსამბლში მიიწვია.

1968 წელს ახალგაზრდები დაქორწინდნენ, ორი წლის შემდეგ კი ვაჟი - რუსლანი შეეძინათ. ქმრის სახით სოფიამ საუკეთესო მეგობარი, მრჩეველი და მასწავლებელი შეიძინა. მათი ქორწინება 30 წელზე მეტხანს გაგრძელდა.

2002 წელს ანატოლი გარდაიცვალა. სოფიამ მთელი წელი გლოვაში გაატარა - მას არცერთ საჯარო ღონისძიებაში არ მიუღია მონაწილეობა. მედიამ როტარუს არაერთი რომანი მიაწერა, მაგრამ ვარსკვლავის ახლობლები ირწმუნებიან, რომ სოფიას გულში მხოლოდ ერთი ადამიანის ადგილი იყო ყოველთვის და ახლაც იმ ადამიანის ერთგულია.

ავტორი: ირმა ჯოხაძე

წყარო

განაჩენი, დიდი ხანია, ვარსკვლავები, მარტოობა

MARY JANE – ფეხსაცმელი დიდი ისტორიით
24.08.2019
რატატუი ქათმის ფილეთი
24.08.2019
ატამი - სასარგებლო პროდუქტი!
24.08.2019
უცენზურო კაბების მოდა (ფოტოები)
24.08.2019
სოციალური ქსელის ვარსკვლავმა თავისი პროპორციებით ყველა გააოცა
24.08.2019
თამარ ივერი: "შე დალოცვილო, ამაზონი ყველას გვტკივა მაგრამ..."
24.08.2019

სულ კომენტარი: 0
avatar