დამატება

სთივ ბუშემი / Steve Buscemi

09.07.2016 - 09:41
ბიოგაფია: სთივ ბუშემი / Steve Buscemi

დაბადების სახელი: სთივენ ვინსენტ ბუშემი
დაბადების თარიღი: 1957 წლის 13 დეკემბერი
დაბადების ადგილი: ბრუკლინი, ნიუ-იორკის შტატი, აშშ
პროფესია: მსახიობი, რეჟისორი, პროდიუსერი
კარიერა: 1986 წლიდან
ზოდიაქო: მშვილდოსანი
სიმაღლე: 175 სმ.

ბიოგრაფია: სთივი დოროთისა და ჯონ ბუშემის მრავალშვილიან ოჯახში დაიბადა. ოჯახში სულ 4 ბავშვი იყო. მამამისის წინაპრები წარმოშობით სიცილიის ქალაქ მენფიდან იყვნენ. იგიკორეის ომში მონაწილეობდა და უბრალო ასენიზატორად მუშაობდა. სთივის დედას ირლანდიური ძირები ჰქონდა. ქალი ოფიციანტად მუშაობდა Howard Johnson’s ქსელში. ოჯახი ღარიბულად ცხოვრობდა, მაგრამ ბავშვებს არასოდეს რცხვენოდათ იმის, რომ მშობლებს არაპრესტიჟული სამსახური ჰქონდათ. სთივი ლონგ-აილენდში "Ouellet - Stream Central" სკოლაში სწავლობდა, სადაც თეატრისადმი დიდი ინტერესი გამოავლინა. სკოლის დამთავრების შემდეგ, ის თავისუფალი ხელოვნების კოლეჯში მოეწყო. მას სწავლის ფული არ ჰქონდა, ამტომ ერთი კურსის შემდეგ კოლეჯი მიატოვა. მამა ბიჭს ძალას ატანდა, რომ სახელმწიფო სამსახურში ემუშავა. ბუშემის მოიქცა ისე, როგორც მამას სურდა. მან გამოცდები ჩააბარა სახანძრო მომზადებაში, სამსახურის თაობაზე განცხადება შეიტანა და დაელოდა პასუხს. სულ სამი წელი ელოდა სამუშაო ადგილს. ამ ხნის მანძილზე, მას თავის სარჩენად უნდა ემუშავა. სთივმა მენაყინედ დაიწყო მუშაობა, მუშაობდა ოფიციანტად, მტვირთავად და გაზეთების დამტარებლად. იგი მალე დიდი დილემის წინაშე აღმოჩნდა. ახალგაზრდა კაცს ყველაზე რთული პერიოდი ჰქონდა - მას მთელი ცხოვრება, ან ნაყინი უნდა გაეყიდა, ან მსახიობი უნდა გამხდარიყო. მუშაობასთან ერთად, ბიჭი სამსახიობო დაოსტატების კურსებზეც დადიოდა. სამი წლის შემდეგ, მას სახანძრო დაცვის სამსახურში დაუძახეს, სადაც მთელი 4 წელი იმუშავა. სთივი კაპიკს კაპიკზე აწებებდა და სწავლის ფულს ისე აგროვებდა, როგორც კი საჭირო თანხა დააგროვა, ბიჭმა სამუშაოდან თავი გაითავისუფლა და თეატრალურ ინსტიტუტში ჩააბარა, რის გამოც მანჰეტენში გადაბარგდა. სთივი სტუდენტობისას სცენარებს წერდა და ქალაქის თეატრებში პიესებს დგამდა. პირველად იგი 1985 წელს ფილმში „Tommy’s“ გადაიღეს, რასაც შემდეგ რამდენიმე უმნიშვნელო როლი მოჰყვა. დამწყები მსახიობისთვის საკარიერო 1986 წელს გადაღებული ფილმი „Parting Glances“ აღმოჩნდა, რომელიც რეჟისორ ბილ შერვუდს ეკუთვნის. ბუშემს მუსიკოსის როლი შეხვდა, რომელიც შიდსით გარდაიცვალა. სთივი ეკრანზე სულ რამდენიმე წუთით გამოჩნდა, მაგრამ ისე, რომ მაყურებელს კარგად დაამახსოვრდა. მისი აზრით, ამ ფილმიდან დაიწყო საკუთარი კარიერა. 

1990 წელს სთივი რეჟისორებს, ძმებ კოენემს შეხვდა და მათ ფილმებში: „Barton Fink“ და „Miller’s Crossing“ შეასრულა როლები. ასევე 1992 წელს მან ქვენთინ ტარანტინოს ფილმში „Reservoir Dogs“ მისტერ როზოვის როლი ითამაშა. მსახიობი და რეჟისორი შემთხვევით შეხვდნენ ერთმანეთს, მაშინ როცა ტარანტინო ამ ფილმისთვის მსახიობებს ეძებდა. სთივის მიერ შესრულებული როლებით გამოირჩევა ისეთი ფილმები, როგორიცაა: „Fargo“(1996), „Con Air“(1997), „The Big Lebowski“(1998). ბუშემი ასევე გადაღებულია რეჟისორ ადამ სენდლერის ბევრ ფილმში. მსახიობი გამოირჩევა იმით რომ, ნებისმიერი თავისი როლის შესრულებისთვის კარგად ემზადება. თავისი გმირის გასაგებად, ის თემას ღრმად შეისწავლის. მაგალითად, მორგის თანამშრომლის როლი რომ შეესრულებინა ნამდვილ მორგს ესტუმრა და თანამშრომლებს გაესაუბრა, მათგან კი - მისი გმირისთვის კონკრეტული სახე შეარჩია. იმის გამო, რომ მსახიობი მთელი ენერგიით მუშაობს როლზე, რეჟისორები როცა მას იწვევენ გადასაღებად, ღრმად არიან დარწმუნებულნი, რომ ის ნებისმიერ როლს ჩინებულად გაართმეცს თავს. მართალია, სთივის ფილმოგრაფია მოცულობითია, მაგრამ ძირითადად იგი მეორე ხარისხოვან როლებს ასრულებს და ასრულებს ძალიან წარმატებულად. 2010 წელს რეჟისორმა თიმ ვან პატემმა გადაწყვიტა სატელევიზიო სერიალში „Boardwalk Empire“ სახელდობრ, ბუშემი მიეწვია, რადგან იგი ყველა ასპექტში მისი გმირის ზუსტ ასლს წარმოადგენდა. აქ, მან ბიზნესმენ ნაკი ტომპსონის როლი ითამაშა, რომელიც „მშრალი კანონის“ დროს იატაკქვეშეთში მუშაობდა. მსახიობმა როლის შესრულებისას მთელი თავისი დრამატული ნიჭი გამოიყენა და მის მიერ შექმნილი პერსონაჟი მრავალმხრივად წარმოაჩინა. სთივმა რამდენიმეჯერ წარმოადგინა თავი, როგორც რეჟისორმა. გადაღებული აქვს ფილმები: „What Happened to Pete“ (1992), „Trees Lounge“ (1996), „Animal Factory“ (2000), „Lonesome Jim“ (2005), „Interview“ (2007). ფილმი „Lonesome Jim“ სანდენსის კინოფესტივალზე გრან-პრით დაჯილდოვდა. აღსანიშნავია ის ფაქტი, რომ 2001 წლის 11 სექტემბრს აშშ-ში განხორციელებული ტერაქტის დროს, სთივი 12 საათის განმავლობაში ორივე ცათამბრჯენში, ადამიანების გადარჩენისთვის, როგორც მეხანძრე და მაშველი, მუშაობდა თავისი ძველი კოლეგების გვერდით და ამის შესახებ, არც ინტერვიუს და არც კომენტარს არ აძლევდა გულისშემაწუხებელ ჟურნალისტებსა და რეპორტიორებს. 

პ ი რ ა დ ი: სთივის მეუღლე - ჯო ანდერსი, რეჟისორი და მსახიობია. მათ საერთო შვილი ჰყავთ, სახელად ლუსიანი, რომელსაც მშობლები ხშირად იზიდავენ გადაღებებში. დიდი სიამოვნებით თამაშობს. სთივის ღვიძლი ძმა მაიკ ბუშემი, მსახიობია, რომელმაც მის პროექტებში მიიღო მონაწილეობა. 1997 წელს ბრიტანულმა ჟურნალმა Empire, სთივ ბუშემი „ყველა დროის საუკეთესო მსახიობთა“ ტოპ-100 - ში შეიყვანა, სადაც მისი გვარი 52-ე პოზიციაზე იყო განთავსებული. ბუშემი ყოველთვის დიდი ყურადღებით ეცნობა ახალ სცენარებს და დაინტერესებულია დარჩება, თუ არა მისი გმირი ცოცხალი.
 ვაჟა ჩომახიძე.

https://www.indiewire.com/wp-content/uploads/2016/04/steve-buscemi.jpg?w=780

ფ ი ლ მ ე ბ ი:
1985 - Tommy’s, The Way It Is
1986 - Parting Glances, Sleepwalk, Not Necessarily the News,Miami Vice
1987 - No Picnic, Kiss Daddy Goodnight, Arena Brains, Heart
1988 - Call Me, Heart Of Midnight, Vibes
1989 - Coffee and Cigarettes II, New York Stories, Slaves of New York,Bloodhounds of Broadway, Mystery Train
1990 - Tales from the Darkside: The Movie, Force of Circumstance,King of New York, Miller’s Crossing
1991 - Life Is Nice, Zandalee, Barton Fink, Billy Bathgate
1992 - What Happened to Pete, In The Soup, Reservoir Dogs, CrissCross 
1993 - Twenty Bucks, Claude, Rising Sun, Ed And His Dead Mother
1994 - Floundering, The Search for One-eye Jimmy, Me And The Mob (Who Do I Gotta Kill?), The Hudsucker Proxy, Airheads, Somebody to Love
1995 - Billy Madison, Desperado
1996 - Fargo, Kansas City, Escape from L.A. 
1997 - Con Air, The Real Blonde 
1998 - The Big Lebowski, The Impostors, Armageddon
1999 - Big Daddy
2000 - 28 Days, Animal Factory
2001 - Ghost World, The Grey Zone, Domestic Disturbance
2002 - Deadrockstar, 13 Moons, Big Fish
2003 - Coffee and Cigarettes
2004 - The Sopranos, Home on the Range
2005 - The Island, Monster House
2006 – Delirious
2007 – Interview
2008 – Igor
2009 - The Messenger, Rage
2010 - The Chosen One, Grown Ups, Pete Smalls Is Dead
2012 - On the Road, Hotel Transylvania
2013 - Monsters University, he Incredible Burt Wonderstone, Grown Ups 2, Khumba

ს ე რ ი ა ლ ე ბ ი:
1983 - Not Necessarily the News 
1986 - Not Necessarily the News
1986 - iami Vice
1987 - The Equalizer
1988 - Crossbow
1989 - Lonesome Dove
1990 – Monsters
1990 - Against the Law
1991 - L.A. Law
1992 - Mad About You
1993 - Tales from the Crypt
1993 - The Adventures of Pete & Pete
1995 - Homicide: Life on the Street
1998 - The Drew Carey Show
2000 - Saturday Night Live
2007 - The Simpsons
2008 – ER
2010-2014 - Boardwalk Empire

კომენტარი (0)
avatar
კომენტარები
movie777 04.05.2020 - 20:13
ქუმსალი მამისგან უჩინრად, უნივერსიტეტში მოეწყო და ახლა სტამბულში მიემგზავრება. ბათუს დახმარების წყალობით, გოგონამ შესძლო მშობლის კლანჭებისგან თავდახსნა - ის ტოვებს მამის სახლს და საკუთარი ბედნიერების მოსაპოვებლად მზად არის ბრძოლა გამოუცხადოს მთელ სამყაროს, როგორც ეს ადრე დედამისმა გააკეთა. მაგრამ რა გამოვიდა აქედან?...
☆Ådmin☆ 08.11.2019 - 20:56
ქალური, მაგრამ მოკლე ემოციური გამოცდილების მქონე შაჰერეზადა, გაიგებს, რომ რომ მისი შვილის სიცოცხლე ბეწვზე ჰკიდია. ბავშვი მძიმედ არის ავად.
☆Ådmin☆ 01.02.2020 - 20:41

სიუჟეტის ცენტრში რომან შიროკოვია, რომელიც სამხარეო კლინიკის სამშობიარო სახლში ექიმ-ორდინატორად მუშაობს. რომანი ნიჭიერი ექიმია და მან, რეპროდუქციული ჯანმრთელობის შესწავლის მიზნით, უცხოეთში სპეციალური კურსები გაიარა.

☆Ådmin☆ 08.12.2019 - 21:36
სერიალის ახალგაზრდა გმირები - სხვადასხვა გარემოში, სხვადასხვაგვარად აღიზარდნენ, რის გამოც მათი შეხედულებები ცხოვრებაზე, ერთმანეთისგან რადიკალურად განსხვავებულია...
☆Ådmin☆ 25.02.2020 - 17:20

ტერორიზმი. ეს ის პრობლემაა, რომელმაც შეძრა მთელი ინდოეთი. 2001 წელს პარლამენტზე შეტევა ნიუ-დელიში, 2006 წელს აფეთქებები მუმბაიში, აფეთქებები ჰაიდერებადეში 2007 წელს. შემდეგ, 2008 წელს ისევ აფეთქებები მუმბაიში. ეს იმ ტერორიზმის დასაწყისია, რომლის დავიწყებაც შეუძლებელია... სახელმწიფო გადაუდებელ ღონისძიებებს მიმართავს და ჯაი სინგჰ რათჰორის ხელმძღვანელობით, ანტიტერორისტულ ქვედანაყოფს ჩამოაყალიბებს.