დამატება

ბურაქ ოზჩივითი / Burak Özçivit

30.07.2016 - 16:37
ბიოგაფია: ბურაქ ოზჩივითი / Burak Özçivit

დაბადების სახელი: ბურაქ ოზჩივითი      
დაბადების თარიღი: 24 დეკემბერი, 1984 წელი       
დაბადების ადგილი: მერსინი, თურქეთი  
პროფესია: მსახიობი, მოდელი                                                  
კარიერა:  2006 წლიდან                                         
ზოდიაქო : ვერძი 
სიმაღლე : 184 სმ

ბ ი ო გ რ ა ფ ი ა: 

1984 წლის 24 დეკემბერს, თურქეთის სამხრეთ-აღმოსავლეთით ზღვისპირა ქალაქ მერსინში, მსახიობი ბურაქ ოზჩივითი დაიბადა. გამორჩეულმა სიმაღლემ და მწყობრმა ფიზიკურმა აღნაგობამ, მას საშუალება მისცა სამოდელო კარიერის აწყობას შედგომოდა, სადაც  საკმაოდ წარმატებული მომავალი ელოდა.
2003 წელი, ბურაქისთვის ძალიან წარმატებული შეიქნა. მოხდენილმა შავგვრემანმა, მეორე ადგილი დაიკავა კონკურსში - "Best
Model of The World", გაიმარჯვა მამაკაც მოდელთა კონკურსში - «Best Model of Turkey», ასევე, გადაიღეს მოდური ჟურნალების:  "Marie Claire" და "Gloria Magazine"- გარე ყდებისთვის.
მაგრამ მსახიობს, ყოველთვის კინო იტაცებდა და სურდა რომელიმე ფილმში, ან სერიალში ეთამაშა... და გადაწყვიტა მხატვრული განათლება მიეღო. ბურაქმა, სამოდელო კარიერის პარალელურად, სტამბულში მარმარის უნივერსიტეტის სახვითი ხელოვნების ფაკულტეტი დაამთავრა. ამ დროისთვის, იგი საკმაოდ ცნობილი მოდელი იყო თურქეთში და და მრავალ ევროპულ ბრენდებთანაც თანამშრომლობდა, რამაც მისი მოთხოვნა სარეკლამო ბაზარზე, კიდევ უფრო გაზარდა.
თუმცა, მხოლოდ 2006 წელს შეამჩნიეს წარმატებული ახალგაზრდა თურქმა კინემატოგრაფებმა და მას მცირე როლი მისცეს ფილმში
„Eksi 18.“ (მინუს 18). როლი უმნიშვნელო იყო, მაგრამ ბურაქის მუშაობა კარგად დაამახსოვრდათ და ერთი წლის შემდეგ, მძაფრსიუჟეტიან თრილერში „Musallat“ (ინფიცირებული), გადაღება შესთავაზეს, ხოლო, უფრო მოგვიანებით - სერიალში „Zoraki Koca“ (ქმარი იძულებით) მთავარი, ომერის როლი, ბრწყინვალედ შეასრულა.
2008-2009 წლების განმავლობაში, ეკრანებზე გამოდის მომდევნო სერიალი
„Baba Ocağı“ (მამა მთავარი), სდაც იგი კვლავ მთავარ როლს ასრულებს.
2010 წელს ბურაქი კვლავ მიიწვიეს მთავარ როლზე, მძაფრსიუჟეტიან სერიალში „İhanet“ (ღალატი), სადაც პოლიციელ ომერს თამაშობს, რომელიც მკვლელობას იძიებს და საქმე თავისი შეყვარებულის, ჰაზალის კვალზე გაიყვანს.
ერთი წლის შემდეგ, მსახიობი სერიალში „Küçük Sırlar“ (პატარა საიდუმლოებები) გადაიღეს.
ისე ჩანდა, რომ ბურაქის სამსახიობი კარიერა აეწყო, მაგრამ, მას თითქოს რაღაც არ კმაროდა, რომ ბოლომდე გაეხსნა თავისი ტალანტი... და აი, 2011 წელს, მსახიობს ბედმა კვლავ წარმატებულად შეახსენა თავი. მას შესთავაზეს მონაწილეობა მიეღო ერთ-ერთ  ყველაზე ცნობილ ტელე-ნოველაში, „Muhteşem Yüzyıl“ (დიდებული საუკუნე), სადაც მამაცი ოსმალო მეომრის, ოსმალთა ჯარის მეთაურის მალქოჩოღლუ ბალი ბეის როლი ბრწყინვალედ ითამაშა და მრავალრიცხოვან მაყურებელის სიმპათიები და სიყვარული დაიმსახურა, როგორც საკუთარ ქვეყანაში, ისე მის ფარგლებს გარეთაც.
2013 წელს ბურაქი, ცნობილი თურქი მწერლის - რეშათ ნური გიუნთექინის რომანის მესამე ნაწილის მიხედვით გადაღებულ სერიალში „Çalıkuşu“ (ნარჩიტა) მიიწვიეს ქიამრანის როლში, სადაც მისი მეწყვილე იყო - ახალგაზრდა წარმატებული თურქი მსახიობი გოგონა -ფაჰრიე ევჯენი, რომელიც ფერიდეს როლს ასრულებდა.
2015 წელს მსახიობი სერიალში“ Kara Sevda“ (შენი ზოდიაქოს ფერი) გადაიღეს ქემალის როლში. ამავე წელს, იგი კომედიურ ფილმში „Güvercin Uçuverdi“ (მტრედი გაფრინდა) მოგვევლინა. 2016 წელს ბურაქი კვლავ კომედიურ  დრამაში „Kardesim Benim“ (ჩემი ძმა), გამოჩნდა მთავარი როლით.

პ ი რ ა დ ი: ბურაქს ძალიან უყვარს ფეხბურთის თამაში და ლამაზი ავტოები. ფლობს ინგლისურ ენას. 2014 წელს მან საკუთარი რესტორანი «Balibey Döner» - ი გახსნა სტამბულში. მიუხედავად იმისა, რომ ბურაქი ცნობილი სახე და ქალებისთვის საკმაოდ სასურველი ყოჩია, იგი დაქორწინებული არ გახლავთ. მაგრამ, სერიოზული ურთიერთობები აქვს თურქ მოდელთან  - ჯეილან ჩაპასთან, რომელიც ამჟამად, გართულებულია. ამის ერთ-ერთ მიზეზად მის დატვირთულ გრაფიკს ასახელებენ და მოდელი გოგონას გადამეტებულ ეჭვიანობას.
არცთუ დიდი ხნის წინ, მსახიობმა საკუთარი პროდიუსერული კომპანია დაარსა და თავის პირველ ფილმში, სურდა „მის თურქეთი - 2014“ - ი ამინე გიულშე მიეწვია, მაგრამ ვითარებათა გამო, იგი ფაჰრიე ევჯენით შეცვალეს. ბურაქი და ფაჰრიე კვლავ შეყვარებულ წყვილს ითამაშებენ. გინდ დაიჯერეთ, გინდ არა - ხმები დაირხა, რომ მათ შორის ვნებიანი ურთიერთობაა გაჩაღებულიო.

ვაჟა ჩომახიძე.

ფ ი ლ მ ე ბ ი: 
2007    Musallat    
2015    Aşk Sana Benzer    
2016    Kardeşim Benim
ს ე რ ი ა ლ ე ბ ი: 
2006    Eksi 18    
2007 - 2008    Zoraki Koca    
2008 - 2009    Baba Ocağı    
2010    İhanet    
2010 - 2011    Küçük Sırlar    
2011 - 2013    Muhteşem Yüzyıl    
2013 - 2014    Çalıkuşu    
2015 - günümüz    Kara Sevda    

კომენტარი (0)
avatar
კომენტარები
movie777 04.05.2020 - 20:13
ქუმსალი მამისგან უჩინრად, უნივერსიტეტში მოეწყო და ახლა სტამბულში მიემგზავრება. ბათუს დახმარების წყალობით, გოგონამ შესძლო მშობლის კლანჭებისგან თავდახსნა - ის ტოვებს მამის სახლს და საკუთარი ბედნიერების მოსაპოვებლად მზად არის ბრძოლა გამოუცხადოს მთელ სამყაროს, როგორც ეს ადრე დედამისმა გააკეთა. მაგრამ რა გამოვიდა აქედან?...
☆Ådmin☆ 08.11.2019 - 20:56
ქალური, მაგრამ მოკლე ემოციური გამოცდილების მქონე შაჰერეზადა, გაიგებს, რომ რომ მისი შვილის სიცოცხლე ბეწვზე ჰკიდია. ბავშვი მძიმედ არის ავად.
☆Ådmin☆ 01.02.2020 - 20:41

სიუჟეტის ცენტრში რომან შიროკოვია, რომელიც სამხარეო კლინიკის სამშობიარო სახლში ექიმ-ორდინატორად მუშაობს. რომანი ნიჭიერი ექიმია და მან, რეპროდუქციული ჯანმრთელობის შესწავლის მიზნით, უცხოეთში სპეციალური კურსები გაიარა.

☆Ådmin☆ 08.12.2019 - 21:36
სერიალის ახალგაზრდა გმირები - სხვადასხვა გარემოში, სხვადასხვაგვარად აღიზარდნენ, რის გამოც მათი შეხედულებები ცხოვრებაზე, ერთმანეთისგან რადიკალურად განსხვავებულია...
☆Ådmin☆ 25.02.2020 - 17:20

ტერორიზმი. ეს ის პრობლემაა, რომელმაც შეძრა მთელი ინდოეთი. 2001 წელს პარლამენტზე შეტევა ნიუ-დელიში, 2006 წელს აფეთქებები მუმბაიში, აფეთქებები ჰაიდერებადეში 2007 წელს. შემდეგ, 2008 წელს ისევ აფეთქებები მუმბაიში. ეს იმ ტერორიზმის დასაწყისია, რომლის დავიწყებაც შეუძლებელია... სახელმწიფო გადაუდებელ ღონისძიებებს მიმართავს და ჯაი სინგჰ რათჰორის ხელმძღვანელობით, ანტიტერორისტულ ქვედანაყოფს ჩამოაყალიბებს.