სიახლეები - კინოინდუსტრია

5 ფილმი ნამდვილ სიყვარულზე, რომელსაც შელამაზება არ სჭირდება

08.08.2019 სიახლეები 38 0 0.0
Загрузка...

რომანტიკული მელოდრამების მგზნებარე გრძნობები, ვნებები, ხმაურიანი აღიარებები - ეს ყველაფერი მარკეტინგული ხრიკია უბრალო, უხმაურო და ყოველდღიური სიყვარულის ფონზე, რომელიც სავსეა ერთმანეთზე ზრუნვით...

1. „რაც მათ გააჩნდათ“
What They Had, 2018
ქვეყანა: აშშ
ჟანრი: დრამა
რეჟისორი: ელიზაბეტ ჩომკო
მსახიობები: ჰილარი სუენკი, მაიკლ შენონი, რობერტ ფორსტერი

რუთი და ნორბერგი დაბერდნენ და შვილებს მათი მდგომარეობა აღელვებთ: დედა ალცჰეიმერის დაავადებით იტანჯება და მუდმივად სახლიდან გაქცევას ცდილობს, რათა მშობლები მოძებნოს; მამამ კი უკვე მეოთხე ინფარქტი გადაიტანა. ქალ-ვაჟი ცდილობს, მოხუცებს კეთილგონიერი მოქმედებისკენ მოუწოდოს - რუთი მოხუცთა თვშესაფარში გადაიყვანონ, სადაც ექიმების მეთვალყურეობის ქვეშ იქნება, ნორბერტი კი მახლობელ პანსიონატში იცხოვრებს. ოღონდ ეგაა, ქმარს ცოლთან განშორების გაგონებაც კი არ უნდა.

2. „როცა მამაკაცს უყვარს ქალი“
When a Man Loves a Woman, 1994
ქვეყანა: აშშ
ჟანრი: დრამა
რეჟისორი: ლუის მანდოკი
მსახიობები: ენდი გარსია, მეგ რაიანი, ელენ ბერსთინი

მაიკლისა და ელისის ერთი შეხედვით იდეალურ ოჯახში სერიოზული პრობლემებია. ელისი ალკოჰოლიკია, რის გამოც თავადაც იტანჯება და მისი გოგონებიც. ქმარი არასოდეს სახლში არ არის (ის პილოტია და საერთაშორისო რეისებზე დაფრინავს). ეს უბედურება მაშინ გამჟღავნდება. როცა ელისი საავადმყოფოში მოხვდება.

3. „ფორესტ გამპი“
Forrest Gump, 1994
ქვეყანა: აშშ
ჟანრი: დრამა
რეჟისორი: რობერტ ზემეკისი
მსახიობები: ტომ ჰენქსი, რობინ რაიტი, ჰარი სინიზი

დაუჯერებელი ისტორია გონებრივად ჩამორჩენილი ადამიანისა, რომელიც რაღაც სასწაულით ლამის ყველა ცნობილი ისტორიული მოვლენის მონაწილე ხდება.

4. „სცენები ცოლქმრული ცხოვრებიდან“
SCENES FROM A MARRIAGE, 1973
ქვეყანა: შვედეთი
ჟანრი: დრამა
რეჟისორი: ინგმარ ბერგმანი
მსახიობები: ლივ ულმანი, ერლანდ იუსეფსონი, გუნელ ლინდბლუმი

აქ ყველაფერი მარტივადაა: იყო და არა იყო რა, იყო ერთი ბედნიერი წყვილი, მერე ქმარს ყველაფერი მოსწყინდა და სტუდენტთან ერთად გაიქცა, რაღაც პერიოდის შემდეგ მოიწყინა და ცოლთან დაბრუნება მოუნდა. მთელი ამ ხნის განმავლობაში ისინი დიდხანს და დეტალურად არკვევენ ურთიერთობას. მათ საუბრებში იმდენი რამაა უნივერსალური, რომ ბევრი ამოიცნობს საკუთარ თავს. ამასთანავე, ისინი უჩვეულო წყვილად რჩებიან - კამათისა და ჩხუბის დროსაც კი იგრძნობა ის სინაზე, რაც ამ ცოლ-ქმარს ერთმანეთთან აკავშირებს.

5. „ლოვინგი“
Loving, 2016
ქვეყანა: დიდი ბრიტანეთი
ჟანრი: დრამა
რეჟისორი: ჯეფ ნიკოლსი
მსახიობები: რუთ ნეგა, ჯოელ ედგერტონი, უილ დალტონი

აშშ-ში, ვირჯინიის შტატში გასული საუკუნის 50-იან წლებში შერეული ქორწინებები იკრძალებოდა. როცა რიჩარდმა და მილდრედმა დაქორწინება გადაწყვიტეს, მათ ვაშინგტონში მოუხდათ წასვლა ქორწინების დასარეგისტრირებლად. მაგრამ სისტემის გატეხა იოლი არ არის, მშობლიურ მხარეში მათი კავშირი კანონგარეშედ ითვლება და მათ უკანონო თანაცხოვრებისთვის პასუხისგებაში მისცემენ.

ავტორი: ირმა ჯოხაძე

წყარო

ნამდვილი, შელამაზება, სიყვარული, სჭირდება, 5 ფილმი
სულ კომენტარი: 0
avatar